【無性婚姻】生B後與老爺奶奶同住變「無性婚姻」　2孩港媽欲離婚：1年幾無掂過大家

維繫婚姻是一個大難題，尤其在生育小朋友後，更容易忽略對另一半的愛。有2孩港媽在討論區發帖表示，指自己與丈夫的關係漸漸生疏，因與老爺奶奶同住，二人更加沒有機會親密接觸，大呻「有成1年幾冇掂過大家」，無性婚姻令港媽心灰意冷，產生離婚的念頭。

一名港媽在網上討論區《親子王國》以「好想同老公離婚，但係又身不由己」為題發帖，指夫婦二人關係愈來愈生疏，「對佢已經冇晒感覺，有成1年幾冇掂過大家。」港媽表示，以前每星期均會有一次親密接觸，但自從生第二胎後，丈夫卻沒有主動提出性要求，後來更因為拒絕聘請外傭，希望老爺奶奶幫忙照顧BB，於是搬來與他們同住。

與丈夫沒有機會發生親密接觸

可是，由於老爺奶奶在家的關係，港媽沒有機會與丈夫有親密接觸，她不滿丈夫一回到家就會睡覺冷落自己，令港媽非常傷心。

完全零交流，又夜返屋企，成日話返工好忙，大家好似各有各生活。

不滿與同老爺奶奶同住

港媽雖然接受丈夫要求與老爺奶奶同住的決定，其實內心非常難受，「我而家係同佢屋企人生活，並唔係同老公生活，見面極少。」更表明不想繼續與奶奶同住。

佢同返自己屋企人住當然唔覺有問題，不過我好頂唔順佢屋企人，日日都對住，係幾咁辛苦！

失去愛情港媽欲離婚

由於介意二人未能相處，港媽曾與丈夫提出問題，「冇得同佢單獨食飯行街睇戲，好耐冇2人世界」，丈夫事後曾嘗試改善問題，惟最後還是打回原形。港媽只想丈夫在放假時陪伴她多一點，「但我感覺到佢好唔想將啲時間嚟陪我，佢實搵到啲節目又去咗約朋友。」港媽認為二人已經失去愛，她不想就這樣走過下半世，

我好矛盾……想離婚，不過而家有2個仔女，又好難離到！

網民建議：訂酒店製造機會

帖文引來不少網民討論，網民紛紛同情港媽，建議港媽花點心思製造氣氛，主動提出要求，「有老人家在一定會避忌啲，但唔等於唔愛你」。又有網民提議港媽向丈夫坦白，「與老公傾下，希望聘請工人，不想與老爺奶奶同住，否則就分開。」不過，有網民建議花少少錢於周末訂酒店，嘗試過二人世界，增進感情。

更多有關夫妻相處報道，即睇：

【產後婚姻】產後變胖分房睡損夫妻關係　港媽掀「無性婚姻論」︰夫妻只剩下責任

【獨守空房】冷落妻嫌BB嘈分房睡　老公與奶奶同房共寢13年妻崩潰提離婚

【冷淡夫妻】丈夫無視太太減肥增魅力寧睇AV　3孩港媽大呻︰我好似單親

TOPick新聞編輯部製作電子書《食用安全手冊》，提供自家檢測報告，包括雞蛋、搓手液、兒童口罩等，更有牛奶、清潔用品等食安檢測報告【按此免費下載食用安全手冊】

TOPick 推出小學各級工作紙，參考名校精選試題，鞏固知識，緊貼學習進度 立即免費下載: bit.ly/2X96KAZ

訂閱Telegram最新🍴✈️🎁優惠及送禮情報：bit.ly/3bebLM2

責任編輯：王明芳